Конкурсехь дакъалацаран хьелаш:1. Конкурсан декъашхой хила тарло 2019 шеран оханан 10-г1а т1екхачале школьни конкурсни комиссин кхеле дийцаран, эссен, литературни суртх1отторан жанрашкахь язйина шайн говзарш чуелла Нохчийн Республикин а, Дег1астанан а

Конкурсехь дакъалацаран хьелаш:

1. Конкурсан декъашхой хила тарло 2019 шеран оханан 10-г1а т1екхачале школьни конкурсни комиссин кхеле дийцаран, эссен, литературни суртх1отторан жанрашкахь язйина шайн говзарш чуелла Нохчийн Республикин а, Дег1астанан а (нохчий-аьккхий бехачу меттигашкара) юккъердешаран хьукматийн хьехархой.

2. Белхийн титульни аг1он т1ехь билгалдаьккхина хила деза: авторан фамили, ц1е, ден ц1е, говзаран ц1е, хьехархочун белхан меттиг, телефон, e-mail.

3. Конкурсе белла литературни белхаш хила беза электронни кепехь 5-на т1ера 10-на т1екхаччалц машинописни аг1онийн барам болуш а, кху лехамашца бог1уш а: формат А4, Times New Roman, шрифтан барам 14 pt, мог1анашна юккъера юкъ – 1,5, йистошкахь: аьрру аг1ор – 3 см, аьтту аг1ор – 1,5 см, лакхахь а, лахахь а – 2 см.

4. Литературни болх куьцехь кечбар магош ду, нагахь цхьатерра мах болуш белхаш нислахь, ишттачу балхана хьалхе ло.

5. Конкурсан комиссис т1еоьцу Нохчийн Республикин а, Дег1астанан а (нохчий-аьккхий бехачу меттигашкара) юккъердешаран хьукматийн хьехархоша билггал шаьш кхочушйина литературни говзарш.

6. Конкурсе дахкийтина литературни белхаш юха ца ло.

7.Конкурс шина этапехь д1ахьо: школьни, республикански (региональни) – жам1даран этап.

8. Школьни конкурсни комиссис тоьлла болх билгалбоккху, цул т1аьхьа и республикански конкурсни комиссига д1акховдабо кхид1а республикански этапехь цуьнга дакъалацийта.

9. 2019 шеран оханан 5-г1а т1екхачале школьни конкурсни комиссис кху электронни адрес т1е mon-info.mail.ru 1-на т1ера 3-на т1екхаччалц литературни болх бохуьйту республикански конкурсни комиссига.

10. Республикански конкурсни комиссис 2019 шеран 21 апрель т1екхачале билгалвоккху конкурсан толамхо а, призераш а.Республикански конкурсни комиссин кхеташонан протоколаца билгалбаьхначу толамхошна а, призерашна а ахчанан а, грамоташ яларца асовг1аташ до: 1-ра меттиг – 100 эзар сом, 2-г1а меттиг – 60 эзар сом, 3-г1а меттиг – 40 эзар сом, 4-г1а,5 –г1а меттигаш – 20-20 эзар сом, 6-г1а, 7-г1а,8-г1а,9-г1а,10-г1а меттигаш – 10 эзар сом.